ສວດມົນຕອນເຊົ້າ

ໂຍໂສ ພະຄະວາ ອະຣະຫັງ ສັມມາສັມພຸດໂທ, ສ໌ວາກຂາໂຕ ເຍນະ ພະຄະວະຕາ ທັມໂມ,

ສຸປະຕິປັນໂນ ຍັດສະ ພະຄະວະໂຕ ສາວະກະສັງໂຄ, ຕັມມະຍັງ ພະຄະວັນຕັງ ສະທັມມັງ ສະສັງຄັງ ອິເມຫິ ສັກກາເຣຫິ ຍະຖາຣະຫັງ ອາໂຣປິເຕຫິ ອະພິປູຊະຍາມະ, ສາທຸ ໂນ ພັນເຕ ພະຄະວາ ສຸຈິຣະປະຣິນິບພຸໂຕປິ, ປັດສິມາ ຊະນະຕາ ນຸກັມປະມານະສາ, ອິເມ ສັກກາເຣ ທຸກຄະຕະປັນນາກາຣະພູເຕ ປະຕິກຄັນຫາຕຸ, ອັມຫາກັງ ທີຄະຣັດຕັງ ຫິຕາຍະ ສຸຂາຍະ,

ຄຳນະມັດສະການພຣະຣັຕະນະໄຕ

ອະຣະຫັງ ສັມມາສັມພຸດໂທ ພະຄະວາ ພຸດທັງ ພະຄະວັນຕັງ ອະພິວາເທມິ (ກາບລົງ 1 ຄັ້ງ)

 ສ໌ວາກຂາໂຕ ພະຄະວະຕາ ທັມໂມ ທັມມັງ ນະມັດສະມິ (ກາບລົງ 1 ຄັ້ງ)

 ສຸປະຕິປັນໂນ ພະຄະວະໂຕ ສາວະກະສັງໂຄ ສັງຄັງ ນະມາມິ (ກາບລົງ 1 ຄັ້ງ)

ປຸບພະພາຄະນະມະກາຣະ

ກ່າວນຳ:  ຫັນທະມະຍັງ ພຸທທັສະ ພະຄະວະໂຕ ປຸພພະພາຄະນະມະກາຣັງ ກະໂຣມະເສ

ນະໂມ ຕັດສະ ພະຄະວະໂຕ ອະຣະຫະໂຕ ສັມມາສັມພຸດທັດສະ (ວ່າ 3 ເທື່ອ)

ພຸທທາພິຖຸຕິ

ໂຍໂສ ຕະຖາຄະໂຕ ອະຣະຫັງ ສັມມາສັມພຸດໂທ ວິດຊາຈະຣະນະສັມປັນໂນ ສຸຄະໂຄ ໂລກະວິທູ ອະນຸດຕະໂຣ ປຸຣິສະທັມມະ ສາຣະຖິ ສັດຖາເທວະມະນຸດສານັງ ພຸດໂທ ພະຄະວາ,

ໂຍ ອິມັງ ໂລກັງ ສະເທວະກັງ ສະມາຣະກັງ ສະພ໌ຣົຫ໌ມະກັງ, ສັດສະມະນະພ໌ຣາຫ໌ມະນິງ ປະຊັງ ສະເທວະມະນຸດສັງ ສະຍັງ ອະພິນຍາ ສັດສິກັຕ໌ວາ ປະເວເທສິ,

ໂຍທັມມັງ ເທເສສິ ອາທິ ກັລ໌ຍານັງ ມັດເຊກັລ໌ຍານັງ ປະຣິໂຍສານະກັລ໌ຍານັງ, ສາດຖັງ ສະພ໌ຍັນຊະນັງ ເກວະລະປະຣິປຸນນັງ ປະຣິສຸດທັງ ພຣົມມະ ຈະຣິຍັງ ປະກາເສສິ, ຕະມະຫັງ ພະຄະວັນຕັງ ອະພິປູຊະຍາມິ,  ຕະມະຫັງ ພະຄະວັນຕັງ ສິຣະສາ ນະມາມິ (ກາບລົງ 1 ຄັ້ງ ລະລືກເຖິງພຣະພຸທທະຄຸນ).

ທັມມາພິຖຸຕິງ

ກ່າວນຳ:  ພັນທະມະຍັງ ທັມມະພິຖຸຕິງ ກະໂຣມະເສ

ໂຍໂສ ສ໌ວາກຂາໂຕ ພະຄະວະຕາ ທັມໂມ, ສັນທິດຖິໂກ ອະກາລິໂກ ເອຫິປັດສິໂກ, ໂອປະນະຍິໂກ ປັດຈັດຕັງ ເວທິຕັບໂພ ວິນຍູຫິ, ຕະມະຫັງ ທັມມັງ ອະພິປູຊະຍາມິ ຕະມະຫັງ ທັມມັງ ສິຣະສາ ນະມາມິ (ກາບລົງ 1 ຄັ້ງ ລະລືກເຖິງພຣະທັມມະຄຸນ)

ສັງຄາພິຖຸຕິ

ກ່າວນຳ:  ພັນທະມະຍັງ ສັງຄາພິຖຸຕິງ ກະໂຣມະເສ

 ໂຍໂສ ສຸປະຕິປັນໂນ ພະຄະວະໂຕ ສະວະກະສັງໂຄ, ອຸຊຸປະຕິປັນໂນ ພະຄະວະໂຕ ສາວະກະສັງໂຄ,ຍາຍະປະຕິປັນໂນ ພະຄະວະໂຕ ສາວະກະສັງໂຄ, ສາມີຈິປະຕິປັນໂນ ພະຄະວະໂຕ ສາວະກະຄັງໂຄ, ຍະທິທັງ ຈັດຕາຣິ ປຸຣິສະຍຸຄານິ ອັດຖະ ປຸຣິສະປຸກຄະລາ, ເອສະ ພະຄະວະໂຕ ສາວະກະສັງໂຄ, ອາຫຸໄນໂຍ ປາຫຸໄນໂຍ ທັກຂິໄນໂຍ ອັນຊະລີກະຣະນີໂຍ, ອະນຸດຕະຣັງ ປຸນຍັກເຂດຕັງ ໂລກັດສະ,

ຕະມະຫັງ ສັງຄັງ ອະພິປູຊະຍາມິ

ຕະມະຫັງ ສັງຄັງ ສິຣະສາ ນະມາມິ (ກາບລົງ ລະນິກເຖິງພຣະສັງຄະຄຸນ)

ຕໍ່ໄປນັງພັບພຽບ

ຣະຕະນັດຕະຍັບປະນາມະຄາຖາ

ກ່າວນໍາ: ຫັນທະມາຍັງ ຣະຕະນັຕຕະ ຍັບປະນາມະຄາຖາໂຍ ເຈວະ ສັງເວຂະ ປະຣິກິດຕະນະ ປາຖັນຈະ ພະນາມະເສ

ພຸດໂທ ສຸສຸດໂທ ກະຣຸນາມະຫັນນະໂວ,ໂຍດຈັນຕະສຸດທັບພະຣະຍານະໂລຈະໂນ, ໂລກັດສະ ປາປຸປະກິເລສະຂາຕະໂກ, ວັນທາມິ ພຸດທັງ ອະຫະມາທະເຣນະຕັງ, ທັມໂມ ປະທີໂປ ວິຍະ ຕັດສະ ສັດຖຸໂນ, ໂຍ ມັກຄະປາກາມະຕະເພທະພີນນະໂກ, ໂລກຸດຕະໂຣ ໂຍ ຈະ ຕະທັດຖະທີປະໂນ, ວັນທາມິ ທັມມັງ ອະຫະມາທະເຣນະ ຕັງ, ສັງໂຄ ສຸເຂດຕາ ພະຍະຕິເຂດຕະສັນຍິໂຕ, ໂຍ ທິດຖະສັນໂຕ ສຸຄະຕານຸໂພທະໂກ, ໂລລັບປະຫີໂນ ອະຣິໂຍ ສຸເມທະໂສ, ວັນທາມິ ສັງຄັງ ອະຫະມາທະເຣນະ ຕັງ.

ອິດເຈວະເມກັນຕະພິປູຊະໄນຍະກັງ ວັດຖຸຕະຍັງ ວັນທະຍະຕາພິສັງຄັງຂະຕັງ ປຸນຍັງ ມະຍາ ຍັງ ມະມະ ສັບພຸປັດທະວາ ມາ ໂຫນຕຸ ເວ ຕັດສະ ປະພາວະສິດທິຍາ.

ສັງເວຄະປະຣິກິຕຕະນະປາທະ

ອິທະ ຕະຖາຄະໂຕ ໂລເກ ອຸປປັນໂນ,ອະຣະຫັງ ສັມມາສັມພຸທໂທ, ທັມໂມ ຈະເທສິໂຕ ນິຍຍານິໂກ, ອຸປະສະມິໂກ ປະຣິ ນິພພານິໂກ,  ສັມໂພທະຄາມິ ສຸຄະຕັປປະເວທີໂຕ, ມະຍັນຕັງ ທັມມັງ ສຸຕວາ ເອວັງ ຊານາມະ, ຊາຕິປິ ທຸກຂາ ຊະຣາປິ ທຸກຂາ ມະຣະຊັມປິ ທຸກຂັງ ໂສກະປະຣິເທວະທຸກຂະໂທມະນັສສຸປາຍາສາປິ ທຸກຂາ, ອັບປິເຍຫິ ສັມປະໂຍໂຄ ທຸກໂຂ, ປິເຍຫິ ວິປປະໂຍໂຄ ທຸກໂຂ, ຍັມປິຈສັງ ນະ ລະພະຕິ ຕັມປິ ທຸກຂັງ, ສັງຂິດເຕນະ ປັນຈຸປາທານັກຂັນທາ ທຸກຂາ, ເສຍຍະຖິທັງ ຣູປູປາທານັກຂັນໂທ ເວທະນູປາທານັກຂັນໂທ ສັນຍູປາທານັກຂັນໂທ ສັງຂາຣູປາທານັກຂັນໂທ ວິນຍາຍູປາທານັກຂັນໂທ ເຍສັງ ປະຣິນຍາຍະ ທະຣະມາໂນ ໂສ ພະຄະວາ, ເອວັງ ພະຫຸລັງ ສາວະເກວິເນຕິ, ເອວັງ ພາຄາ ຈະປະນັດສະ ພະຄະວະໂຕ ສາວະເກສຸ ອະນຸສາ ສະນິ ພະຫຸລາ ປະວັດຕະຕິ, ຣູຸປັງ ອະນຸຈຈັງ, ເວທະນາ ອະນິຈຈາ, ສັນຍາ ອະນິຈຈາ, ສັງຂາຣາ ອະນິຈຈາ, ວິນຍານັງ ອະນິຈຈັງ ຣູປັງ ອະນັດຕາ ເວທະນາ ອະນັດຕາ ສັນຍາ ອະນັດຕາ ສັງຂາຣາ ອະນັດຕາ ວິນຍານັງ ອະນັດຕາ ສັບເພ ສັງຂາຣາ ອະນິຈຈາ ສັບເພ ທັມມາ ອະນັດຕາຕິ ເຕມະຍັງ (ຕາມະຍັງ) ໂອຕິນ ນາມະຫະຊາຕິຍາ

ຊະຣາມະຣະເນນະ ໂສເກຫິ ປະຣິເທເວຫິ ທຸກເຂຫິ ໂທມະນັສເສຫິ ອຸປາຍາເສຫິ ທຸກໂຂຕິນນາ

ທຸກຂະປະເຣຕາ ອັບເປວະນາມິມັສສະ ເກວະລັສສະ ທຸກຂັກຂັນທັສສະ ອັນຕະກິຣິຍາ

ປັນຍາເຍຖາຕິ.

ສຳລັບພຣະພິຂຸ - ສະມະເນນສວດ

ຈິຣະປະຣິນິພພຸຕັມປິ ຕັງ ພະຄະວັນຕັງ ອຸທທິສສະ ອະຣະຫັນຕັງ ສັມມາສັມພຸທທັງ ສັທທາ ອະຄາຣັສະມາ ອະນະຄາຣິຍັງ ປັພພະຊິຕາ ຕັສະມິງ ພະຄະວະຕິ ພຣົມະຈະຣິຍັງ ຈະຣາມະ ພິກຂູນັງ ສິກຂາສາຊິວະສະມາປັນນາ ຕັງ ໂນ ພຣົມະຈະຣິຍັງ ອິມັສສະ ເກວະລັສສະ ທຸກຂັກຂັນທັສສະ ອັນຕະກິຣິຍາຍະ ສັງວັດຕະຕຸຕິ

ສຳລັບອຸບາສົກ ອຸບາສິກາສວດ

ຈິຣະປະຣິນິພພຸຕັມປິ ຕັງ ພະຄະວັນຕັງ ສະຣະຊັງຄະຕາ ທັມມັນຈະ ສັງຂັນຈະ ຕັສສະ ພະຄະວະໂຕ ສາສະນັງ ຍະຖາສະຕິ ຍະຖາພະລັງ ມະນະ ສິກະໂຣມະ ອະນຸປະຕິປັຊຊາມະ ສາ ສາ ໂນ ປະຕິປັຕຕິ ອິມັສສະ ເກວະລັສສະ ທຸກຂັກຂັນທັສສະ ອັນຕະກິຣິຍາຍະ ສັງວັດຕະຕຸ.

(ຈົບສວດມົນຕອນເຊົ້າ)