ບົດຂັດທັມມະຈັກກັບປະວັດຕະນະສູດ
ອະນຸຕຕະຣັງ ອະພິສັມໂພທິງ ສັມພຸຊຊິຕວາ ຕະຖາຄະໂຕ ປະຖະມັງ ຍັງ ອະເທເສສິ ທັມມະຈັກກັງ ອະນຸຕຕະຣັງ ສັມມະເທວະ ປະວັຕເຕນໂຕ ໂລເກ ອັປປະຕິວັຕຕິຍັງ ຍັຕຖາກຂາຕາ ອຸໂພ ອັນຕາ ປະຕິປັຕຕິ ຈະມັຊຊິມາ ຈະຕຸສວາຣິຍະສັຈຈະສຸ ວິສຸທທັງ ຍານະທັສສະນັງ ເທສິຕັງ ທັມມະຣາ ເຊນະ ສັມມາສັມໂພທິກິຕຕະນັງ ນາເມນະ ວິສສຸຕັງ ສຸຕຕັງ ທັມມະຈັກກັປປະວັຕຕະນັງ ເວີຍຍາກະຣະນະປາເທນະ ສັງຄີຕັນຕັມພະນາມະເສ ໆ.
ທັມມະຈັກກັບປະວັຕຕະນະສູດ
1. ເອວັມເມສຸຕັງ ເອກັງ ສະມະຍັງ ພະຄະວາ ພາຣານະສິຍັງ ວິຫະຣະຕິ ອິສິປະຕະເນ ມິຄະທາເຍ ໆ
ຕັຕຣະ ໂຂ ພະຄະວາ ປັນຈະວັກຄີເຍ ພິກຂູ ອາມັນເຕສິ ໆ
ເທວເມ ພິກຂະເວ ອັນຕາ ປັພພະຊິເຕນະ ນະ ເສວີຕັບພາ ໂຍ ຈາຍັງ ກາເມສຸ ກາມະສຸຂັນລິການຸໂຍໂຄ ຫິໂນ ຄັມໂມ ໂປຖຸຊຊະນິໂກ ອະນະຣິໂຍ ອະນັຕຖະສັນຫິໂຕ ໂຍ ຈາຍັງ ອັຕຕະກິລະມະຖານຸໂຍໂຄ ທຸກໂຂ ອະນະຣິໂຍ ອະນັຕຖະສັນຫິໂຕ ໆ
ເອເຕ ເຕ ພິກຂະເວ ອຸໂພ ອັນເຕ ອະນຸປະຄັມມະ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ຈັກຂຸກະຣະນີ ຍານະກະຣະນີ ອຸປະສະມາຍະ ອະພິນຍາຍະ ສັມໂພທາຍະ ນິພພານາຍະ ສັງວັຕຕະຕິ ໆ
2. ກະຕະມາ ຈະສາ ພິກຂະເວ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ຈັກຂຸກະຣະນີ ຍານະ
ກະຣະນີ ອຸປະສະມາຍະ ອະພິນຍາຍະ ສັມໂພທາຍະ ນິພພານາຍະ ສັງວັຕຕະຕິ ໆ
3. ອະຍະເມວະ ອະຣິໂຍ ອັກຖັງຄິໂກ ມັຄໂຄ ໆ ເສີຍຍະຖີທັງ ໆ ສັມມາທິກທິ ສັມມາສັງກັປໂປ ສັມມາວາຈາ
ສັມມາກັມມັນໂຕ ສັມມາອາຊີໂວ ສັມມາ ວາຍາໂມ ສັມມາສະຕິ ສັມມາສະມາທິ ໆ
4. ອະຍັງ ໂຂ ສາ ພິກຂະເວ ມັຊຊິມາ ປະຕິປະທາ ຕະຖາຄະເຕນະ ອະພິສັມພຸທທາ ຈັກຂຸກະຣະນີ ຍານະ
ກະຣະນີ ອຸປະສະມາຍະ ອະພິນຍາຍະ ສັມໂພທາຍະ ນິພພານາຍະ ສັງວັຕຕະຕິ ໆ
5. ອິທັງ ໂຂ ປະນະ ພິກຂະເວ ທຸກຂັງ ອະຣິຍະ ສັຈຈັງ ໆ ຊາຕິປິ ທຸກຂະ ຊະຣາປິ ທຸກຂາ ມະຣະຊັມປິ
ທຸກຂັງ ໂສກະປະຣິເທວະ ທຸກຂະໂທມະນັສສຸປາຍາສາປິ ທຸກຂາ ອັປປິເຍຫິ ສັມປະໂຍໂຄ ທຸກໂຂ ປິເຍຫິ
ວິປປະໂຍໂຄ ທຸກໂຂ ຍັມປິຈສັງ ນະ ລະພະຕິ ຕັມປິ ທຸກຂັງ ສັງຂິຕເຕນະ ປັນຈຸປາທານັກຂັນທາ ທຸກຂາ ໆ
6. ອິທັງ ໂຂ ປະນະ ພິກຂະເວ ທຸກຂະສະມຸມະໂຍ ອະຣິຍະສັຈຈັງ ໆ ຍາຍັງ ຕັນຫາ ໂປໂນພພະວິກາ
ນັນທິຣາຄະສະຫະຄະຕາ ຕັຕຣະ ຕັຕຣາພິ ນັນທິນີ ໆ ເສີຍຍະຖີທັງ ໆ ກາມະຕັນຫາ ພະວະຕັນຫາ ວິພະວະ
ຕັນຫາ ໆ
7. ອິທັງ ໂຂ ປະນະ ພິຶກຂະເວ ທຸກຂະນິໂຣໂທ ອະຣິຍະສັຈຈັງ ໆ ໂຍ ຕັສສາເຍວະ ຕັນຫາຍະ ອະເສສະ
ວິຣາຄະນິໂຣໂທ ຈາໂຄ ປະຕິນິສສັຄໂຄ ມຸຕຕິ ອະນາລະໂຍ ໆ
8. ອິທັງ ໂຂ ປະນະ ພິກຂະເວ ທຸກຂະນີໂຣທະຄາມິນີ ປະຕິປະທາ ອະຣິຍະສັຈຈັງ ໆ ອະຍະເມວະ ອະຣິໂຍ
ອັກທັງຄີໂກ ມັກໂຄ ໆ ເສີຍຍະຖີທັງ ໆ ສັມມາທິກທິ ສັມມາສັງກັປໂປ ສັມມາວາຈາ ສັມມາກັມມັນໂຕ ສັມມາ
ອາຊີໂວ ສັມມາວາຍາໂມ ສັມມາສະຕິ ສັມມາສະມາທິ ໆ
9. ອີທັງ ທຸກຂັງ ອະຣີຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ
ອຸທະປາທິ ປັນຍາ ອຸທະປາທິ ວິຊຊາ ອຸທະປາທິອາໂລໂກ ອຸທະປາທິ ໆ
10. ຕັງ ໂຂ ປະນີທັງ ທຸກຂັງ ອະຣິຍະສັຈຈັງ ປະຣິນເຍຍະຍັນຕິ ເມ ພິກຂະເວ ປຸພເພ ອະນະນຸສສຸເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທີິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
11. ຕັງ ໂຂ ປະນີທັງ ທຸກຂັງ ອະຣິຍະສັຈຈັງ ປະຣິນຍາຕັນຕິ ເມ ພິກຂະເວ ປຸພເພ ອະນະນຸສສຸເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
12. ອີທັງ ທຸກຂະສະມຸທະໂຍ ອະຣີຍະສັຈຈັນຕິ ເມ ພິກຂະເວ ປຸຸພເພ ອະນະນຸສສຸເຕສຸ ທັມເມສຸ ຈັກຂຸງ
ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
13. ຕັງໂຂ ປະນີທັງ ທຸກຂະສະມຸທມະໂຍ ອະຣີຍະສັຈຈັງ ປະຫາຕັບພັນຕິ ເມ ພິກຂະເວ ປຸພເພ ອະນະນຸສສຸເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທີ ວິຊຊາ ອຸທະປາທິ ອາໂລໂກ ອຸທະປາທິ ໆ
14. ຕັງ ໂຂ ປະນີທັງ ທຸກຂະສະມຸທມະໂຍ ອະຣີຍະສັຈຈັງ ປະຫີນັນຕິ ເມ ພິກຂະເວ ປຸພເພ ອະນະນຸສສະເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
15. ອິທັງ ທຸກຂະນີໂຣໂທ ອະຣິຍະສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ
ຍານັງ ອຸທະປາທິ ໆ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
16. ຕັງ ໂຂ ປະນີທັງ ທຸກຂະນີໂຣໂທ ອະຣິຍະສັຈຈັງ ສັຈຈິກາ ຕັບພັນຕິ ເມ ພິກຂະເວ ປຸພເພ ອະນະນຸສສຸເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
17. ຕັງໂຂ ປະນີທັງ ທຸກຂະນີໂຣໂທ ອະຣີຍະສັຈຈັງ ສັຈຈິກະຕັນຕິ ເມ ພິກຂະເວ ປຸພເພ ອະນະນຸສສຸເຕສຸ
ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
18. ອີທັງ ທຸກຂະນີໂຣທະ ຄາມິນີ ປະຕິປະທາ ອະຣິຍະ ສັຈຈັນຕິ ເມ ພິກຂະເວ ປຸພເພ ອະນະນຸສສຸເຕສຸ ທັມເມ
ສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ ອຸທະປາທິ ໆ
19. ຕັງໂຂ ປະນີທັງ ທຸກຂະນີໂຣທະຄາມິນີ ປະຕິປະທາ ອະຣິຍະສັຈຈັງ ພາເວຕັພພັນຕິ ເມ ພິກຂະເວ ປຸພເພ
ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ
ອຸທະປາທິ ໆ
20. ຕັງໂຂ ປະນິທັງ ທຸກຂະນີໂຣທະຄາມິນີ ປະຕິປະທາ ອະຣີຍະສັຈຈັງ ພາວິຕັນຕິ ເມ ພິກຂະເວ ປຸພເພ
ອະນະນຸສສຸເຕສຸ ທັມເມສຸ ຈັກຂຸງ ອຸທະປາທິ ຍານັງ ອຸທະປາທິ ປັນຍາ ອຸທະປາທິ ວິຊຊາ ອຸທະປາທິ ອາໂລໂກ
ອຸທະປາທິ ໆ
21. ຍາວະກີວັນຈະ ເມ ພິກຂະເວ ອີເມສຸ ຈະຕູສຸ ອະຣີຍະສັຈເຈສຸ ເອວັນຕິປະຣີວັກກັງ ທວາທະສາກາຣັງ
ຍະຄາພູຕັງ ຍານະທັສສະນັງ ນະ ສຸວິສຸທທັງ ອະໂຫສິ
22. ເນວະ ຕາວາຫັງ ພິກຂະເວ ສະເທວະເກ ໂລເກ ສະມາຣະເກ ສະພຣັຫມະເກ ສັສສະມະນະພຣາຫມະນິຍາ
ປະຊາຍະ ສະເທວະມະນຸສສາຍະ ອະນຸຕຕະຣັງ ສັມມາ ສັມໂພທິງ ອະພິສັມພຸທໂທ ປັຈຈັນຍາສິງ ໆ
23. ຍະໂຕ ຈະໂຂ ເມ ພິກຂະເວ ອີເມສຸ ຈະຕູສຸ ອະຣີຍະສັຈເຈສຸ ເອວັນຕິ ປະຣິວັກກັງ ທວາທະສາກາຣັງ
ຍະຖາພູຕັງ ຍານະທັສສະນັງ ສຸວິສຸທທັງ ອະໂຫສິ
24. ອະຖາຫັງ ພິກຂະເວ ສະເທວະເກ ໂລເກ ສະມາຣະເກ ສະພຣັຫມະເກ ສັສສະມະນະ ພຣາຫມະນີຍາ ປະຊາ
ຍະ ສະເທວະ ມະນຸສສາຍະ ອະນຸຕະຣັງ ສັມມາສັມໂພທິງ ອະພິສັມພຸທໂທ ປັຈຈັນຍາສິງ ໆ
25. ຍານັນຈະ ປະນະ ເມ ທັສສະນັງ ອຸທະປາທິ ອະກຸປປາ ເມ ວິມຸຕຕິ ອະຍະມັນຕິມາ ຊາຕິ ນັຕຖິທານິ
ປຸນັພພະໂວຕິ ໆ ອິທະມະໂວຈະ ພະຄະວາ ໆ ອັຕຕະ ມະນາ ປັນຈະວັກຄີຍາ ພິກຂູ ພະຄະວະໂຕ ພາສີຕັງ
ອະພິນັນທຸງ ໆ
26. ອີມັສມິນຈະ ປະນະ ເວີຍຍາກະຣະນັສມິ ພັນຍະມາເນ ອາຍັສມະໂຕ ໂກນທັນຍັສສະ ວິຣະຊັງ
ວີຕະມະລັງ ທັມມະຈັກຂຸງ ອຸທະປາທິ ຍັງກີມຈິ ສະມຸທະຍະທັມມັງ ສັພພັນຕັງ ນິໂຣທະທັມມັນຕິ ໆ
27. ປະວັຕຕິເຕ ຈະ ພະຄະວະຕາ ທັມມະຈັກເກ ພຸມມາ ເທວາ ສັທທະມະນຸສສາເວສຸງ ເອຕັມພະຄະວະຕາ
ພາຣານະສີຍັງ ອິສິປະຕະເນ ມິຄະທາເຍ ອະນຸຕຕະຣັງ ທັມມະຈັກກັງ ປະວັຕຕິຕັງ ອັປປະຕິວັຕຕິຍັງ ສະມະເນນະ ວາ ພຣາຫມະເນນະ ວາ ເທເວນະ ວາ ມາເຣນະ ວາ ພຣັຫມຸນາ ວາ ເກນະຈິ ວາ ໂລກັສມິນຕິ ໆ
28. ພຸມມານັງ ເທວານັງ ສັທທັງ ສຸຕວາ ຈາຕຸມມະຫາ ຣາຊິກາ ເທວາ ສັທທະມະນຸສສາເວສຸງ ໆ
29. ຈາຕຸມມະຫາຣາຊິການັງ ເທວານັງ ສັທທັງ ສຸຕວາ ຕາວະຕິງສາ ເທວາ ສັທທະມະນຸສສາເວສຸງ ໆ
30. ຕາວະຕິງສານັງ ເທວານັງ ສັທທັງ ສຸຕວາ ຍາມາ ເທວາ ສັທທະມະນຸສສາເວສູງ ໆ
31. ຍາມານັງ ເທວານັງ ສັທທັງ ສຸຕວາ ຕຸສິຕາ ເທວາ ສັທທະມະນຸສສາເວສູງ ໆ
32. ຕຸສິຕານັງ ເທວານັງ ສັທທັງ ສຸຕວາ ນິມມານະຣະຕິ ເທວາ ສັທທະມະນຸສສາເວສູງ ໆ
33. ນິມມານະຣະຕີນັງ ເທວານັງ ສັທທັງ ສຸຕວາ ປະຣະນິມມິຕະວະສະວັຕຕີ ເທວາ ສັທທະມະນຸສສາເວສຸງ ໆ
34. ປະຣະນິມມິຕະວະສະວັຕຕີນັງ ເທວານັງ ສັທທັງ ສຸຕວາ ພຣັຫມະກາຍິກາ ເທວາ ສັທທະ ມະນຸສສາເວ
ສຸງ ເອຕັມພະຄະວະຕາ ພາຣານະສີຍັງ ອິສີປະຕະເນ ມິຄະທາເຍ ອະນຸຕຕະຣັງ ທັມມະຈັກກັງ ປະວັດຕິຕັງ ອັປປະຕິວັຕຕິຍັງ ສະມະເນນະ ວາ ພຮາຫມະເນນະ ວາເທວານະ ວາມະເຣນາະ ວາ ພຣັມຫມຸນາ ວາ ເກນະຈິ ວາ ໂລກັສມິນຕິ ໆ.
ອິຕິຫະ ເຕນະ ຂະເນນະ ເຕນະມຸຫຸຕເຕນະ ຍາວະ ພຣັຫມະໂລກາ ສັທໂທ ອັພພູກຄັຈຊິ ອະຍັນຈະ ທະສະສະຫັສສິ ໂລກະທາຕຸ ສັງກັມປິ ສັມປະກັມປິ ສັມປະເວທິ ໆ ອັປປະມາໂນ ຈະໂອລາໂຣ ໂອພາໂສ ໂລເກ ປາຕຸຣະໂຫສິ ອະຕິກກັມເມວະ ເທວານັງ ເທວານຸພາວັງໆ
ອະຖະໂຂ ພະຄະວາ ອຸທານັງ ອຸທາເນສິ ອັນຍາສິ ວະຕະໂພ ໂກນທັນໂຍ ອັນຍາສິ ວະຕະໂກ ໂກນທັນໂຍຕິ
ອິຕິຫິທັງ ອາຍັສມະໂຕ ໂກນທັນຍັສສະ ອັັນຍາ ໂກນທັນໂຍ ເຕວວະ ນາມັງ ອະໂຫສິຕິ ໆ