ມົງຄົລຈັກກະວາລໃຫຍ່

ມົງຄົລຈັກກະວາລໃຫຍ່

ສິຣິທິຕິມະຕິເຕ ໂຊຊະຍະສິທທິມະຫິທທິມະຫາຄຸນາປະຣິມິຕະ ປຸນຍາທິກາຣັສສະ ສັພພັນຕະຣາຍະນິວາຣະນະສະມັຕຖັສສະ ພະຄະວະໂຕ ອະຣະຫະໂຕ ສັມມາ ສັມພຸທທັສສະ ທະວັຕຕິງສະມະຫາປຸຣິສະລັກຂະນານຸພາເວນະ ອະສິຕະຍານຸພະຍັນຊະນານຸພາເວນະ ອັຕຖຸຕຕະຣະສະຕະມັງຄະລານຸພາເວນະ ສັພພັນນະຣັງສິຍານຸພາເວນະ ເກຕຸມາລານຸພາເວນະ ທະສະປາຣະມິຕານຸພາເວນະ ທະສະອຸປະປາຣະມິຕານຸພາເວນະ ທະສະປະຣະມັຕຖະປາຣະມິຕານຸພາເວນະ ສີລະສະມາທິປັນຍານຸພາເວນະ ພຸທທານຸພາເວນະ ທັມມານຸພາເວນະ ສັງຄານຸພາເວນະ ເຕຊານຸພາເວນະ ອິທທານຸພາເວນະ  ພະລານຸພາເວນະ ເຍຍຍະທັມມານຸພາເວນະ ຈະຕຸຣາສີຕິສະຫັສສະທັມມັກຂັນທານຸພາເວນະ ນະວະໂລກຸຕຕະຣະທັມມານຸພາເວນະ ອັຕຖັງຄິກະມັຄຄານຸພາເວນະ ອັຕຖະສະມາປັຕຕິຍານຸພາເວນະ ສະລະພິນຍານຸພາເວນະ ຈະຕຸສັຈຈະຍານານຸພາເວນະ ທະສະພະລະຍານານຸພາເວນະ ສັພພັນຍຸຕະຍານານຸພາເວນະ ເມຕຕາ ກະຣຸນາ ມຸທິຕາ ອຸເປກຂາ ນຸພາເວນະ ສັພພະປະຣິຕຕານຸພາເວນະ ຣະຕະນັຕຕະຍະສະຣະນານຸພາເວນະ ຕຸຍຫັງ ສັພພະໂຣຄະ ໂສກຸປັທທະວະທຸກຂະໂທມະນັສສຸປາຍາສາ ວິນັສສັນຕຸ ສັພພະອັນຕະຣາຍາປີ ວິນັສສັນຕຸ ສັພພະສັງກັປປາ ຕຸຍຫັງ ສະມິຊຊັນຕຸ ທີຄາຍຸຕາ ຕຸຍຫັງ ໂຫຕຸ ສະຕະວັສສະຊີເວນະສະມັງຄິໂກ ໂຫຕຸ ສັພພະທາ ອາກາສະປັພພະຕະວະນະພູມິຄັງຄາມະຫາສະມຸທທາ  ອາຣັກຂະກາ ເທວະຕາ ສະທາຕຸມເຫອະນຸຣັກຂັນຕຸ.