ມົງຄົລຈັກກະວານນ້ອຍ

ສັພພະພຸທທານຸພາເວນະ ສັພພະທັມມານຸພາເວນະ ສັພພະສັງຄານຸພາເວນະ ພຸທທະຣະຕະນັງ ທັມມະຣະຕະນັງ ສັງຄະຣະຕະນັງ ຕິນນັງຣະຕະນານັງອານຸພາເວນະ ຈະຕຸຣາສີ ຕິສະຫັສສະທັມມັກຂັນທານຸພາເວນະ ປິຕະກັຕຕະຍານຸພາເວນະ ຊິນະສາວະການຸພາເວນະ ສັພເພເຕໂຣຄາ ສັພເພເຕພະຍາ ສັພເພເຕອັນຕະຣາຍາ ສັພເພເຕອຸປັທທະວາ  ສັພເພເຕທຸນນິມິຕຕາ ສັພເພເຕອະວະມັງຄະລາວິນັສສັນຕຸ ອາຍຸວັທທະໂກ ທະນະວັທທະໂກ ສິຣິວັທທະໂກ ຍະສະວັທທະໂກ ພະລະວັທທະໂກ ວັນນະວັທທະໂກ ສຸຂະວັທທະໂກ ໂຫຕຸ ສັພພະທາ

ທຸກຂະໂຣຄະພະຍາ ເວຣາ ໂສກາ ສັຕຕຸ ຈຸປັທທະວາ

ອະເນກາ ອັນຕະຣາຍາປີ ວິນັສສັນຕຸ ຈະ ເຕຊະສາ

ຊະຍະສິທທິ ທະນັງ ລາພັງ ໂສຕຖິ ພາຄະຍັງ ສຸຂັງ ພະລັງ

ສິຣິ ອາຍຸ ຈະ ວັນໂນ ຈະ ໂພຄັງ ວຸທທີ ຈະ ຍະສະວາ

ສະຕະວັສສາ ຈະ ອາຍຸ ຈະ ຊີວະສິທທີ ພະວັນຕຸ ເຕ.

   ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ

ສັພພະ ພຸທທານຸພາເວນະ ສະທາ ໂສຕຖີ ພະວັນຕຸ ເຕ

   ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ

ສັພພະທັມມານຸ ພາເວນະ ສະທາ ໂສຕຖີ ພະວັນຕຸ ເຕ

   ພະວະຕຸ ສັພພະມັງຄະລັງ ຣັກຂັນຕຸ ສັພພະເທວະຕາ

ສັພພະ ສັງຄານຸພາເວນະ ສະທາ ໂສຕຖີ ພະວັນຕຸ ເຕ