ສາສະໜາພຸດ ຫລື ພຸດທະສາສະນາ
1. ຕົ້ນກຳເນີດ
ພຸດສາສະນາກຳເນີດຂຶ້ນທີ່ປະເທດອິນເດຍ ເມື່ອປະມານກ່ອນ ຄ.ສ 543 ປີ ເກີດຂຶ້ນໃນຍຸກທີ່ກຳລັງມີການສະແຫວງຫາວິທີການດັບທຸກກັນຢູ່ທົ່ວໄປ ໂດຍຜູ້ສົນໃຈໃນຍຸກນັ້ນຈະນັບຖືສາສະນາພຣາມກັນຢູ່ໂດຍສ່ວນຫລາຍ
2. ສິ່ງທີ່ເຄົາລົບສູງສຸດ
ພຸດທສາສະນາ ເປັນສາດສະຫນາປະເພດອະເທວະນິຍົມ ຄືບໍ່ຍອມຮັບວ່າມີເທບພະເຈົ້າໃດໆ ວ່າມີອຳນາດສູງສຸດແຕ່ຈະຍອມຮັບກົດທຳມະຊາດ (ທໍາມະ ຫລື ທັມ) ວ່າເປັນສິ່ງສູງສຸດທີ່ມີລັກສະນະຄ້າຍກັບພະເຈົ້າຂອງສາດສະຫນາປະເພດເທວະນິຍົມ.
3. ສາດສະດາ
ສາດສະດາຄື ພະພຸດທະເຈົ້າຊຶ່ງເດີມຄື: ເຈົ້າຊາຍສິດທັດຖະ ທີ່ອອກບວດຄົ້ນຫາສັຈຈະທັມ ຈົນກະທັ້ງໄດ້ຄົ້ນພົບຄວາມຈິງຂອງທຳມະຊາດໃນເລື່ອງການດັບທຸກຂອງຈິດໃຈ ຕາມຫຼັກເຫດຜົນ (ຫລື ຕາມຫຼັກວິທະຍາສາດ) ໄດ້ຢ່າງຖາວອນ.
4. ຄຳພີ
ຄື ພຣະໄຕຣປີດົກ ອັນປະກອບດ້ວຍ ຄື:
1. ພຣະວິນັຍປີດົກ ຊຶ່ງລວບລວມເລື່ອງສິນຂອງພິກສຸ ແລະ ພິກສຸນີເອົາໄວ້ທັງໝົດ (The Basket of Discipline)
2. ພຣະສູຕັນຕະປີດົກ ຊຶ່ງລວບລວມຄຳສອນຂອງພຣະພຸດທະເຈົ້າ ແລະ ພຣະສາວົກເອົາໄວ້ (The Basket of Discourses)
3. ພຣະອະພິທັມປີດົກ ຊຶ່ງລວບລວມຫຼັກປັດຊະຍາທີ່ພຣະສາວົກລຸ້ນຫຼັງໆ ແຕ່ງຂຶ້ນໄວ້ (The Basket of Sublime, Higher or Extra Doctrine)
5. ສະຫລຸບຫຼັກຄຳສອນ
ຄຳສອນຂອງພຸດທະສາສະນາມີຢູ່ 2 ລະດັບຄື:
1. ລະດັບຊາວບ້ານ ຊຶ່ງມີຫຼັກການຢູ່ຫລວງຫລາຍ ຊຶ່ງສະຫລຸບຢູ່ທີ່ການມີສິນ, ມີເມດຕາ,ມີຄວາມຂະຫຍັນອົດທົນ ແລະ ຮູ້ຈັກໃຊ້ເຫດຜົນໃນການດຳເນີນຊີວິດເປັນຕົ້ນ.
2. ລະດັບສູງ ຊຶ່ງໄດ້ແກ່ຫຼັກອະຣິຍະສັດ 4 ອັນ ເປັນຫຼັກທັມໃນການດັບທຸກ ແລະ ຈັດເປັນຫົວໃຈຂອງຄຳສອນທັງ ໝົດ, ຊຶ່ງສະຫລຸບຢູ່ທີ່ການເຮັດຈິດໃຫ້ວ່າງຈາກກິເລດທັງປວງ ໂດຍມີສິນເປັນພື້ນຖານ ທັງຫມົດທັງມີສະມາາທິເປັນກຳລັງ ແລະ ມີປັນຍາເປັນຕົວຄວບຄຸມ.
6. ຈຸດໝາຍສູງສຸດ
ຈຸດໝາຍສູງສຸດຂອງພຸດທະສາສະນາຄື "ນິບພານ" ຫລື ຄວາມບໍ່ມີທຸກຢ່າງຖາວອນໃນຊີວິດປະຈຸບັນ ຊຶ່ງເປັນຈຸດໝາຍສູງສຸດ, ສ່ວນຈຸດໝາຍຮອງລົງມາຄື: ການມີຊີວິດຢູ່ໂດຍໃຫ້ມີຄວາມທຸກນ້ອຍທີ່ສຸດ.
7. ຄວາມເຊື່ອ ແລະ ຫຼັກປະຕິບັດ
ພຸດທະສາສະນ າສອນວ່າ ທຸກສິ່ງເປັນໄປຕາມທຳມະຊາດ (ຫລື ທຳມະດາ) ຂອງມັນເອງຄື: ເປັນໄປຕາມເຫດຕາມປັດຈັຍ (ປັດໃຈຄືເຫດຍ່ອຍໆ) ທີ່ຜັກດັນກັນໄປເລື້ອຍໆ ໂດຍບໍ່ມີຕົວຕົນ ຫລື ຜູ້ໃດມາບັນດົນບັນດານ. ດັ່ງນັ້ນ, ການປະຕິບັດ ກໍຄືການປະຕິບັດຫນ້າທີ່ຂອງຕົນໆ ໃຫ້ຖືກຕ້ອງຕາມທີ່ທຳມະຊາດກຳນົດມາ ຢ່າມີຄວາມເຫັນແກ່ຕົວຈົ່ງເຫັນແກ່ຜູ້ອື່ນ ຫລື ເຫັນແກ່ທຳມະຊາດ.
8. ນິກາຍ
ປະຈຸບັນມີຢູ່2 ນິກາຍໃຫຍ່ໆ ຄື:
1. ມະຫາຍານ ຫລື ອາຈາຣິຍະວາດ ຊຶ່ງປ່ຽນແປງຄຳສອນເດີມຈົນຫາຫຼັກເດີມໄດ້ຍາກ
2. ຫີນະຫານ ຫລື ເຖຣະວາດ ຊຶ່ງຢຶດຖືພຣະໄຕຣປີດົກດັ້ງເດີມມາປະຕິບັດ
9. ປະເທດທີ່ນັບຖື
ນິກາຍມະຫາຍານກໍ່ມີປະເທດຈີນ, ໄຕ້ຫວັນ, ຫວຽດນາມ. ສ່ວນເຖຣະວາດກໍ່ມີ ປະເທດ ສີລັງກາ, ມຽນມາ, ລາວ, ກຳປູເຈຍ , ໄທ ແລະ ມີຫລາຍໃນປະເທດຕ່າງໆ.
10. ປະເພນີ
ດັ້ງເດີມນັ້ນບໍ່ມີ ແຕ່ພາຍຫຼັງເກີດມີຂຶ້ນ ເຊັ່ນ: ປະເພນີການທອດກະຖິນ, ທອດຜ້າປ່າ ແລະ ການເຮັດບຸນຕາມມື້ສຳຄັນທາງສາສະນາ.
11. ຜູ້ສືບທອດ
ໄດ້ແກ່ພຣະພິກສຸ (ນັກບວດຊາຍ) ທີ່ຖືສິນ 227 ຂໍ້, ທັງຫມົດລວມມີສາມະເນນ ຖືສິນ 10 ແຕ່ກ່ອນມີພິກສຸນີ (ນັກບວດຍິງ) ຖືສິນ 310 ຂໍ້. ຊຶ່ງປະຈຸບັນທາງນິກາຍເຖຣະວາດຖືວ່າ ພິກສຸນີໄດ້ໝົດສິ້ນໄປແລ້ວ ແຕ່ທາງມະຫາຍານຖືວ່າຍັງຄົງມີຢູ່ ແລະ ລວມທັງອຸບາສົກ (ພໍ່ອອກ), ອຸບາສິກາ (ແມ່ອອກ) ລວມກັນແລ້ວເອີ້ນວ່າ: ພຸດທະບໍລິສັດ 4
12. ວັນສຳຄັນທາງສາສະນາ
ວັນສຳຄັນທາງສາສະນາມີຢູ່ 3 ວັນຄື:
1. ວັນວິສາຂາບູຊາ ເປັນວັນຄ້າຍວັນປະສູດ ຕຣັສຮູ້ ແລະ ປະຣິນິບພານຂອງພຣະພຸດທະເຈົ້າ
2. ວັນອາສາະຫະບູຊາ ເປັນວັນທີ່ພຣະພຸດທະເຈົ້າຊົງສະແດງປະຖົມມະເທດສະນາ.
3. ວັນມາຄະບູຊາ ເປັນວັນທີພຣະອໍຣະຫັນຕ໌ຈຳນວນຫລາຍ ມາປະຊຸມພ້ອມກັນໂດຍບໍ່ໄດ້ນັດໝາຍ.
13. ສະຖານທີ່ສຳຄັນ
ໄດ້ແກ່ສັງເວຊະນີຍະສະຖານ 4 ແຫ່ງ ຄື:
1. ສະຖານທີ່ ພຣະພຸດທະເຈົ້າຊົງປະສູດ
2. ສະຖານທີ່ ພຣະພຸດທະເຈົ້າຊົງຕັດສະຮູ້
3. ສະຖານທີ່ ພຣະພຸດທະເຈົ້າຊົງສະແດງປະຖົມມະເທດສະຫນາ
4. ສະຖານທີ່ ພຣະພຸດທະເຈົ້າຊົງປະຣິນິບພານ.
ສາສະນາໃນຖານະປາກົດການທາງຈິດ ແລະ ທາງສັງຄົມ ເປັນບໍເກີດຂອງຄຸນຄ່າ ແລະ ວັດທະນະທຳ ແລະ ມີຄວາມສຳພັນກັບຊີວິດຂອງມະນຸດຢ່າງແໜ້ນແຟ້ນ, ຊຶ່ງມີຄວາມເລິກລຶກ ແລະ ມີອົງປະກອບຢ່າງຫລວງຫລາຍຫຼາຍ ແຕ່ທີ່ຖືວ່າສຳຄັນທີ່ສຸດມີ 7 ປະການຄື:
ອົງປະກອບຂອງສາສະນາ
1. ສາດສະດາ ຄື: ຜູ້ກໍ່ຕັ້ງສາດສະຫນາ ເຊັ່ນ: ພຣະພຸດທະສາສະນາ ມີພຣະພຸດທະເຈົ້າເປັນສາດສະດາ, ສາສະຫນາຄຣິດມີພະເຍຊູເປັນສາດສະດາ.
2. ຫລັກຄໍາສອນ ຫລື ຄໍາພີ ຄື: ຫຼັກທຳຄຳສັ່ງສອນ ເຊັ່ນ: ພຣະພຸດທະສາສະນາ ມີພຣະໄຕຣປີດົກ, ສາສະນາຄຣິດມີຄຳພີໄບເບີນ.
3. ສາວົກ ຫລື ນັກບວດ ຄື: ຜູ້ເຜີຍແຜ່ ເຊັ່ນ: ພຸດທະສາສະນາ ມີພຣະພິກຂຸ, ສາມະເນນ. ສ່ວນສາສະນາຄຣິດມີບາດຫຼວງ.
4. ສາສະນາສະຖານ ຄື: ສະຖານທີ່ປະກອບພິທີກຳ ເຊັ່ນ: ພຣະພຸດທະສາສະນາມີວັດ, ສ່ວນສາສະນາຄຣິດມີໂບດ
5. ພິທີກຳນ ຫລື ສາສະນາພີທີ ຄື: ການປະຕິບັດພິທີກຳຕ່າງໆ ເຊັ່ນ: ພຣະພຸດທະສາສະນາມີການວຽນທຽນ, ສ່ວນສາສະນາຄຣິດມີພິທີການລ້າງບາບ.
6. ສັນຍະລັກ ຄື: ເຄື່ອງໝາຍແທນສາສະນານັ້ນໆ ເຊັ່ນ: ພຣະພຸດທະສາສະນາມີທຳມະຈັກເປັນສັນຍາລັກ, ສາສະນາຄຣິດມີໄມ້ກາງເຂນເປັນສັນຍະລັກ.
7. ສາສະນິກະຊົນ ຄື: ບຸກຄົນຜູ້ນັບຖືເຫລື້ອມໃສສັດທາໃນສາສະນານັ້ນໆ.